Tuesday, March 11, 2008

ລາວ-ໄທຫາລືພະລັງງານທົດແທນໃນຂົງເຂດແມ່ນ້ຳຂອງ


ຕາມການລາຍງານຂອງ ທ່ານ ນາງ ແສງທິບ ພົມພິພັກ ຮອງຫົວຫນ້າຫ້ອງການສົ່ງເສີມ ກະສິກຳ-ປ່າໄມ້ເມືອງຫລວງນ້ຳທາ ທັງເປັນກຳມະການ ໃນຄະນະກຳມະການຕ້ານ-ຄວບຄຸມ ພະຍາດໄຂ້ຫວັດສັດປີກຂັ້ນເມືອງໃນວັນທີ 8 ມີນາ 2008ໃຫ້ຮູ້ວ່າ: ການລະບາດພະຍາດໄຂ້ ຫວັດສັດປີກຢູ່ບ້ານທົ່ງໄຈ້ໃຕ້ ເມືອງຫລວງນ້ຳທານັບວ່າເປັນບ້ານທີ 3 ແລະ ເປັນບ້ານ ທີ 5 ຂອງແຂວງ. ບ້ານທົ່ງໄຈ້ໃຕ້ມີ 96 ຫລັງຄາເຮືອນ, 122 ຄອບຄົວ,ມີພົນລະເມືອງ 526 ຄົນ, ຍິງ 248 ຄົນ, ເປັນບ້ານຊົນເຜົ່າໄທດຳ ຫ່າງຈາກເທດສະບານ ແຂວງຫລວງນ້ຳທາ 1 ກິໂລ ແມັດ. ບ້ານດັ່ງກ່າວມີສັດປີກ 1.540 ໂຕ, ເປັດ 200 ໂຕ, ສັດປີກເລີ່ມຕາຍມາແຕ່ວັນທີ 10 ກຸມພາ 2008 ມີ ໄກ່ຕາຍ 148 ໂຕ, ເປັດຕາຍ 39 ໂຕ, ຫມູຕາຍ 1 ໂຕ. ສັດປີກພາຍໃນ ບ້ານຕາຍມີຈຳນວນ ເພີ່ມຂຶ້ນທາງອຳນາດການປົກຄອງບ້ານທົ່ງໄຈ້ໃຕ້ໄດ້ລາຍງານສະພາບສາ ເຫດສັດປີຕາຍຕໍ່ຫ້ອງການກະສິກຳ-ປ່າໄມ້ເມືອງຫລວງນ້ຳທາ ແລະ ພາກສ່ວນກ່ຽວຂ້ອງກໍ່ໄດ້ ສົ່ງນັກວິຊາການໄປເກັບກຳຂໍ້ມູນ, ເອົາຊິ້ນສ່ວນຂອງສັດປີກທີ່ຕາຍສົ່ງໄປວິໄຈຢູ່ສູນສັດຕະວະ ແພດແຫ່ງຊາດ, ກົມລ້ຽງສັດ ແລະການປະມົງກະຊວງກະສິກຳ ແລະປ່າໄມ້ທີ່ນະຄອນຫລວງ ວຽງຈັນ ໃນວັນທີ 4 ມີນາ 2008. ອີງໃສ່ໃບຢັ້ງຢືນການວິໄຈພະຍາດສັດປີກຂອງສູນສັດຕະ ວະແພດແຫ່ງຊາດກົມລ້ຽງສັດ ແລະ ການປະມົງກະຊວງກະສິກຳ-ປ່າໄມ້ເລກທີ 155/ ສສຊ. ສພ ລົງວັນທີ 6 ມີນາ 2008 ແຈ້ງ ຜົນການວິໄຈມາວ່າ: ສັດປີກຈາກບ້ານທົ່ງໄຈ້ໃຕ້, ເມືອງ ແລະ ແຂວງຫລວງນ້ຳທາມີເຊື້ອພະຍາດໄຂ້ວັດສັດປີກສາຍພັນ H5N1 ຊະນິດຮ້າຍແຮງ ສາ ມາດຕິດຕໍ່ສູ່ຄົນ ແລະ ສັດປະເພດທີ່ລ້ຽງລູກດ້ວຍນ້ຳນົມໄດ້ ໃນສະພາບທີ່ສຸກເສີນນີ້ທ່ານເຈົ້າ ເມືອງຫລວງນ້ຳທາໄດ້ອອກໃບແຈ້ງການເລກທີ 38/ຈມ ລົງວັນທີ 7 ມີ ນາ 2008 ປະກາດ ບ້ານທົ່ງໄຈ້ໃຕ້ ເມືອງຫລວງນ້ຳທາເປັນບ້ານຢູ່ໃນພື້ນທີ່ສີແດງ. ການລະບາດພະຍາດໄຂ້ຫວັດ ສັດປີກຊະນິດຮ້າຍແຮງສາຍພັນ H5N1 ມາເຖິງວັນທີ 8Œ9 ມີນາ 2008 ຄະນະກຳມະການ ຕ້ານ-ຄວບຄຸມພະຍາດໄຂ້ຫວັດສັດປີກ ແລະ ວິຊາການຂັ້ນເມືອງ-ແຂວງໄດ້ລົງສົມທົບກັບອຳ ນາດການປົກຄອງ ແລະ ເຈົ້າຫນ້າທີ່ບ້ານທົ່ງໄຈ້ໃຕ້ ເພື່ອທຳລາຍສັດປີກທີ່ຍັງເຫລືອເຊິ່ງມີໄກ່ 1.256 ໂຕ, ມີນ້ຳຫນັກ 744 ກິໂລກຣາມ, ເປັດ 97ໂຕ, ມີນ້ຳຫນັກ 211 ກິໂລກຣາມ, ໄຂ່ 151 ຫນ່ວຍ ແລະນົກ 2 ໂຕ. ທັງຫມົດນັ້ນໄດ້ຂຸດຂຸມຝັງ ແລະ ໂຮຍຢາຂ້າເຊື້ອ-ສິດຢາຂ້າ ເຊື້ອຕາມບ້ານ, ຄອກສັດ, ຕັ້ງດ່ານພົ່ນຢາຂ້າເຊື້ອໃສ່ລົດທຽວທາງ ແລະ ຫ້າມເຄື່ອນຍ້າຍສັດ ປີກເຂົ້າອອກ 2 ຈຸດຄື:ຈຸດທີ 1 ແມ່ນບ້ານທົ່ງໄຈ້ໃຕ້ອອກສູ່ທາງຫລວງ ເລກທີ 3 ເມືອງສິງ, ນາເຕີຍ ແລະບ້ານປ່າປົວະ, ທົ່ງໄຈ້ເຫນືອ, ຈຸດທີ 2 ອອກສູ່ບ້ານໂພນໄຊເທດສະບານແຂວງ ຫລວງນ້ຳທາ ແລະຈະເຝົ້າລະວັງຈົນຮອດທ້າຍເດືອນມີນາ 2008 ເພື່ອຕິດຕາມສະພາບການ ຢູ່ພາຍໃນບ້ານໃຫ້ມີຄວາມສະຫງົບ ແລະຈຸດພື້ນທີ່ສີເຫລືອງເຝົ້າລະວັງ ຕອບໂຕ້ໃນຂອບເຂດ 5 ກິໂລແມັດມົນທົນກວມເອົາ 30 ບ້ານພາຍໃນເມືອງຫລວງນ້ຳທາ ແລະ 8ຫມູ່ບ້ານໃນເທດ ສະບານແຂວງ.

Thursday, March 6, 2008

ເກີດເຫດໄຟໄຫມ້ທີ່ບ້ານພະໄຊ ຕາຍ 2


ຕາມການລາຍງານຂອງເຈົ້າຫນ້າທີ່ເມືອງສີສັດຕະນາກ ໃຫ້ຮູ້ວ່າ: ໃນເວລາປະມານ 24 ໂມງ ຂອງວັນທີ 5ມີນານີ້ ໄດ້ເກີດໄຟໄຫມ້ເຮືອນປະຊາຊົນຢູ່ຫນ່ວຍ 2 ບ້ານພະໄຊ ເມືອງສີ ສັດຕະນາກນະຄອນຫລວງວຽງຈັນ,ຕາມການກວດກາຄວາມເສຍຫາຍເບື້ອງຕົ້ນເຫັນວ່າເຮືອນ ຂອງປະຊາຊົນເຂດ ດັ່ງກ່າວຖືກໄຟໄຫມ້ເສຍຫາຍ 7 ຫລັງ ແລະມີເດັກນ້ອຍເສຍຊີວິດ 2ຄົນ ຄື: ທ້າວອຶ່ງ ອາຍຸ 6 ປີ ແລະທ້າວອ້າຍ ອາຍຸ 3 ປີ ທັງສອງເປັນລູກຂອງທ້າວໄຊຍິ້ມ ແລະ ນາງ ທິງ, ນາງ ທິງຜູ້ຢູ່ໃນເຫດການເລົ່າຕໍ່ນັກຂ່າວວ່າ: ເວລາເກີດເຫດຕົນ ແລະ ລູກນອນຢູ່ ໃນເຮືອນສ່ວນຜົວຂອງຕົນ ແມ່ນໄປປະຈຳການເມື່ອຮູ້ວ່າ ເກີດໄພໄຫມ້ຕົນໄດ້ພະຍາຍາມ ນຳ ເອົາລູກທີ່ນອນຢູ່ອອກຈາກສະຖານທີ່ເກີດເຫດ ແຕ່ສາມາດນຳອອກໄປໄດ້ພຽງ 4 ຄົນ, ສ່ວນ 2 ຄົນ ແມ່ນບໍ່ສາມາດນຳອອກມາທັນຈຶ່ງ ເຮັດໃຫ້ເດັກນ້ອຍທັງສອງຄົນນັ້ນເສຍຊີວິດ ໃນເຫດ ການດັ່ງກ່າວ.

ຄວາມເສຍຫາຍທີ່ເກີດຈາກອັກຄີໄຟໃນຄັ້ງນີ້ ຍັງບໍ່ທັນປະເມີນຄ່າ ໄດ້ສ່ວນສາຍເຫດແມ່ນ ຍັງລໍຖ້າການ ສືບສວນ-ສອບສວນຂອງເຈົ້າຫນ້າທີ່.
ພາຍຫລັງເກີດເຫດການຮ້າຍດັ່ງກ່າວ, ຫລາຍໆ ຄົນທີ່ໄດ້ເຫັນ ແລະ ໄດ້ຍີນເຫດການດັ່ງ ກ່າວຕ່າງກໍ່ຢິບຢື່ນວັດຖຸປັດໃຈເພື່ອຊົດຊ່ວຍຄອບຄົວ ຜູ້ໄດ້ຮັບເຄາະຮ້າຍໂດຍສະເພາະ ຄອບ ຄົວຂອງທ່ານ ຮ້ອຍເອກ ໄຊຍິ້ມ ເຈົ້າຫນ້າທີ່ ປກສ ເມືອງສີສັດ ຕະນາກທີ່ຖືວ່າໄດ້ຮັບເຄາະ ຮ້າຍຫລາຍ ເພາະເຮືອນທີ່ເປັນທີ່ຢູ່ອາໄສປະຈຳຂອງຄອບຄົວກໍ່ຖືກໄຟໄຫມ້ ແລະຍັງເສຍລູກ ຊາຍອີກສອງຄົນ.

ສຳລັບຜູ້ທີ່ຕ້ອງການຊ່ວຍເຫລືອຄອບຄົວຜູ້ໄດ້ຮັບເຄາະຮ້າຍໃນຄັ້ງນີ້ສາມາດ ຕິດຕໍ່ຜ່ານກອງບັນຊາການ ປກສ ເມືອງສີສັດຕະນາກເບີໂທ: (21) 212711, ຫລື (21) 2 12333 ຫລື ຊ່ວຍຄອບຄົວພວກກ່ຽວໂດຍກົງທີ່ບ້ານພະໄຊ ຫນ່ວຍ 2 ເມືອງ ສີສັດຕະນາກ ນະຄອນຫລວງວຽງຈັນກໍ່ໄດ້.

Wednesday, March 5, 2008

ລາວເຂົ້າຮ່ວມການສ້າງເສັ້ນທາງລົດໄຟສາຍຜ່ານອາຊີ


ປະຈຸບັນ ສປປ ລາວ ກຳລັງກຽມຈະສ້າງເສັ້ນທາງລົດໄຟ ເຊື່ອມຕໍ່ບັນດາປະເທດໃກ້ຄຽງ ຕາມນະໂຍບາຍຂອງພັກ ແລະ ລັດຖະບານທີ່ວ່າຈະເອົາປະເທດລາວເປັນທາງຜ່ານທະວີບອາ ຊີໃນອະນາຄົດ. ມີຄວາມເປັນໄປໄດ້ທີ່ຈະສ້າງເສັ້ນທາງລົດໄຟ 6 ເສັ້ນດ້ວຍກັນ ແຕ່ລາວເຮົາ ໄດ້ເລືອກເອົາ 2 ເສັ້ນຄື: ເສັ້ນທາງຫມາຍເລກ 1 ທີ່ຈະອອກສູ່ປະເທດຫວຽດນາມ ແລະເສັ້ນ ທາງຫມາຍເລກ 4 ໄປຍັງ ສປ ຈີນ. ປະຈຸບັນກຳລັງດຳເນີນການສຳຫລວດຢູ່, ຄາດຄະເນວ່າ ຈະສຳເລັດໃນປີນີ້.

ທ່ານ ສອນສັກ ນ.ຍານຊະນະ, ຮອງຜູ້ອຳນວຍການໃຫຍ່ ອົງການທາງລົດໄຟໄດ້ໃຫ້ສຳ ພາດຕໍ່ນັກຂ່າວ ພວກເຮົາວ່າ: ຖ້າສປປ ລາວ ບໍ່ມີເສັ້ນທາງລົດໄຟແມ່ນຍາກທີ່ຈະໄດ້ເປັນເສັ້ນ ທາງເຊື່ອມຕໍ່ຂອງອາຊີ ດັ່ງນັ້ນ ລາວເຮົາຈິ່ງໄດ້ເລືອກເອົາເສັ້ນທາງຫມາຍເລກ 1 ຄື: ນັບຕັ້ງ ແຕ່ວຽງຈັນ-ທ່າແຂກ-ມູຢາຫາທັນອັບປະເທດຫວຽດນາມ ມີໄລຍະທາງຍາວ 519 ກິໂລແມັດ. ທາງເສັ້ນນີ້ ລັດຖະບານ ໄດ້ຕົກລົງຈະມອບບູລິມະສິດໃຫ້ ສສ ຫວຽດນາມ ເປັນຜູ້ສຳຫລວດ ອອກແບບ, ຕາມການລາຍງານໃນການສຳຫລວດເສັ້ນທາງດັ່ງກ່າວ ໃນເບື້ອງຕົ້ນນີ້ທາງ ສສ ຫວຽດນາມ ໄດ້ໃຫ້ເງິນຊ່ວຍເຫລືອ ຈຳນວນ 300 ລ້ານດົງ ຫລື 20.000 ໂດລາສະຫະລັດ ກຳນົດໄລຍະເວລາສຳຫລວດ 8ເດືອນ ຄາດວ່າຈະໃຫ້ສຳເລັດໃນປີນີ້. ສ່ວນທຶນໃນການກໍ່ສ້າງ ນັ້ນທ່ານບອກວ່າຈະເຮັດວິທີອື່ນຄື: ຫັນຊັບສິນມາເປັນທຶນ. ສຳລັບເສັ້ນທາງທີ 2 (ຫມາຍເລກ 4) ແມ່ນເລີ່ມຈາກວຽງຈັນ-ຫລວງພະບາງ-ບໍ່ເຕັນ ຫາຊາຍແດນລາວ-ຈີນ ຕອນໃຕ້, ມີຄວາມ ຍາວທັງຫມົດ 530 ກິໂລແມັດ. ຕາມການປະເມີນລາຄາກໍ່ສ້າງເບື້ອງຕົ້ນຝ່າຍຈີນໃນປີ 1997 ແມ່ນ 1ຕື້ 700 ລ້ານໂດລາສະຫະລັດ ສ່ວນທຶນທີ່ຈະມາກໍ່ສ້າງ ໃນປະຈຸບັນແມ່ນບໍ່ແນ່ນອນ ເທື່ອ ແຕ່ລັດຖະບານມີທິດທາງວ່າຈະຊອກແຫລ່ງທຶນດ້ວຍ 3ຮູບແບບຄື: 1. ຫັນຊັບສິນເປັນ ທຶນ,2. ກູ້ຢືມເງິນດ້ວຍອັດຕາດອກເບ້ຍຕ່ຳ,3. ຂໍທຶນຊ່ວຍເຫລືອລ້າຈາກປະເທດຕ່າງໆ. ທ່ານ ສອນສັກກ່າວວ່າ: ເສັ້ນທາງຫມາຍເລກ 4ນີ້ ເປັນເສັ້ນທາງຍຸດທະສາດທາງດ້ານເສດຖະກິດ-ການເມືອງ, ຕັ້ງຢູ່ຈຸດຍຸດທະສາດ ຂອງຂົງເຂດເສດຖະກິດທາງພາກເຫນືອ ຖ້າຫາກສຳເລັດ ການກໍ່ສ້າງແລ້ວ ແນ່ນອນຈະນຳຜົນປະໂຫຍດຫລາຍມາສູ່ປະເທດຊາດ ແລະປະຊາຊົນລາວ. ເສັ້ນທາງຫມາຍເລກ 4 ທີ່ວ່າມານີ້ແມ່ນທາງການລາວໄດ້ມອບບູລິມະສິດ ໃນການສຳຫລວດ ອອກແບບໃຫ້ຝ່າຍຈີນ.

ທ່ານ ສອນສັກ ຍັງໄດ້ກ່າວຕື່ມອີກວ່າ: ນອກຈາກທີ່ລາວເຮົາຈະເລ່ງສ້າງເສັ້ນທາງ ເຊື່ອມ ຕໍ່ກັບບັນດາປະເທດໃກ້ຄຽງແລ້ວ ຢູ່ພາຍໃນປະເທດ, ລັດຖະບານກໍ່ວາງແຜນໄວ້ວ່າໃນອະນາ ຄົດລາວຈະໃຫ້ມີເສັ້ນທາງລົດໄຟແຕ່ເຫນືອຮອດໃຕ້, ທຸກມື້ນີ້ຢູ່ເຂດຫລັກ 12ຫລັກ 21 ຈາກ ວຽງຈັນ ອອກສູ່ທ່າແຂກ ແມ່ນທາງອົງການທາງລົດໄຟໄດ້ລົງໄປປັກ ຫລັກຫມາຍຫມົດແລ້ວ, ເປັນທຶນຂອງລັດຖະບານເອງ. ສ່ວນການສຳຫລວດອອກແບບແມ່ນມອບບູລິມະສິດໃຫ້ຈີນເປັນ ຜູ້ຮັບເຫມົາສຳຫລວດອອກແບບໃນຂັ້ນຕໍ່ໄປ,ສຳລັບໂຄງການລົງທຶນແມ່ນຍັງບໍ່ທັນຮູ້ເທື່ອ.ນອກ ນີ້ ຍັງຈະມີການສຳຫລວດຄວາມເປັນໄປໄດ້ໃນການກໍ່ສ້າງເສັ້ນ ທາງລົດໄຟແຕ່ວຽງຈັນ-ປາກ ເຊ-ຊາຍແດນກຳປູເຈຍ ແລະຜ່ານວຽງຈັນຫາຊາຍແດນຈີນຕື່ມ.ດ້ານເງິນທຶນໃນການປັກຫລັກ ຫມາຍເບື້ອງຕົ້ນ ແມ່ນອົງການທາງລົດໄຟກຳລັງຂໍທຶນຈາກບໍລິສັດວິສະວະກຳຄົມມະນາຄົມສຳ ຫລວດອອກແບບກຳນົດ ເລີ່ມແຕ່ວຽງຈັນຫາປາກເຊ ຈະໃຊ້ທຶນປະມານ 996 ລ້ານກີບ. ທັງ ຫມົດເຫລົ່ານັ້ນແມ່ນເພື່ອສ້າງຄວາມສະດວກໃຫ້ແກ່ການຂົນສົ່ງສິນຄ້າລະຫວ່າງປະເທດ ແລະ ການໄປ-ມາຫາສູ່ຂອງປະຊາຊົນລາວບັນດາເຜົ່າ.

Monday, March 3, 2008

ສິນຄ້າບໍລິໂພກນຳເຂົ້າບາງຊະນິດຍັງມີສານເຈືອປົນ


ໃນວັນທີ 29 ກຸມພາ 2008 ຜ່ານມາທ່ານຮອງເຈົ້າເມືອງ ແລະ ຫົວຫນ້າຫ້ອງການອຸດສາ ຫະກຳ-ການຄ້າເມືອງຈັນທະບູລີ ໄດ້ລົງຕິດຕາມກວດກາສະພາບຕະຫລາດ ແລະ ສິນຄ້າ ໃນ ທ້ອງຕະຫລາດທົ່ງຂັນຄຳເມືອງຈັນທະບູລີນະຄອນຫລວງວຽງຈັນພົບວ່າ: ຍັງມີສິນຄ້າບໍລິໂພກ ບາງຊະນິດທີ່ນຳເຂົ້າຈາກຕ່າງປະເທດ ເຊັ່ນ: ຕີນໄກ່, ເຄື່ອງໃນງົວ, ຄວາຍຍັງມີສານກັນບູດ. ນອກຈາກນັ້ນ ສິນຄ້າບາງຊະນິດຍັງມີຄວາມເປິເປື້ອນບໍ່ສະອາດທີ່ແມ່ຄ້າເອົາມາວາງຂາຍ ຫລື ສິນຄ້າເກັບຮັກສາໄວ້ດົນເສຍຄຸນແລ້ວຍັງເອົາມາວາງຈຳຫນ່າຍ.

ຫົວຫນ້າຫ້ອງການອຸດສາຫະກຳ-ການຄ້າເມືອງຈັນທະບູລີ ເນັ້ນວ່າ: ສິນຄ້າບໍລິໂພກໂດຍ ສະເພາະຕີນໄກ່, ສາມສິບຫລືບງົວ, ຄວາຍທີ່ນຳເຂົ້າຈາກຕ່າງປະເທດ ມີສານເຈືອປົນ ແລະ ເປື້ອນເປິແມ່ນບໍ່ໃຫ້ຊາວຄ້າຂາຍນຳມາວາງຈຳຫນ່າຍໃນທ້ອງຕະຫລາດ, ທັງນີ້ເພື່ອຮັບປະກັນ ຄວາມປອດໄພຕໍ່ສຸຂະພາບໃຫ້ແກ່ຜູ້ບໍລິໂພກ.

ພ້ອມດຽວກັນນີ້ ນັກຂ່າວຫນັງສື ພິມເສດຖະກິດ-ສັງຄົມ ກໍ່ໄດ້ເລາະທ່ຽວຊົມຕະຫລາດໃນ ນະຄອນຫລວງວຽງຈັນ ຫລາຍແຫ່ງເຫັນວ່າ ສິນຄ້າບາງປະເພດເຊັ່ນ: ເຄື່ອງບໍລິໂພກນຳເຂົ້າ ແລະ ສິນຄ້າພາຍໃນກໍ່ພົບວ່າ: ບາງຮ້ານຍັງມີຊີ້ນຫມູ, ຊີ້ນງົວ, ຊີ້ນຄວາຍ, ປາ, ເປັດປອກ, ໄກ່ປອກ ແລະ ຕີນໄກ່, ສາມສິບຫລືບງົວ, ຄວາຍ ທີ່ມີກິ່ນເນົ່າເຫມັນ ຫລືມີສານກັນບູດເຈືອ ປົນຢູ່ນຳ. ນອກຈາກນັ້ນ ຍັງມີຄວາມເປື້ອນເປິທີ່ແມ່ຄ້າບາງຄົນນຳມາວາງຂາຍ ໂດຍບໍ່ຮັກສາ ຄວາມສະອາດສາກ່ອນ ແລະ ອີກສິ່ງຫນຶ່ງສຳລັບຫມາກໄມ້ເຊັ່ນ: ຫມາກກ້ຽງ, ລະມຸດ, ແອັບ ເປີ້ນ ແລະ ອື່ນໆ ທີ່ແມ່ຄ້າຮັບຊື້ຈຳນວນຫລາຍແລ້ວ ຈຳຫນ່າຍບໍ່ທັນເຮັດໃຫ້ຫມາກໄມ້ເຫລົ່າ ນັ້ນເນົ່າ ຫລື ເສຍຄຸນແລ້ວ ຍັງນຳມາວາງຂາຍບາງຄັ້ງຜູ້ບໍລິໂພກຊື້ໄປແລ້ວບໍ່ສາມາດຮັບ ປະ ທານໄດ້ ຫລື ບາງຄັ້ງ ເມື່ອຜູ້ບໍລິໂພກຮັບປະທານແລ້ວເກີດເຈັບທ້ອງ, ຖອກທ້ອງ ແລະ ອື່ນ ໆຕາມມາບໍ່ສາມາດເອົາຄວາມຜິດຈາກຜູ້ຄ້າຂາຍໄດ້. ນອກຈາກນັ້ນ ສິນຄ້າລັກລອບເຂົ້າໂດຍ ບໍ່ຜ່ານການກວດກາຄັກແນ່ແລ້ວເອົາມາວາງຂາຍເຊັ່ນ: ປະເພດເນື້ອສັດ ແລະ ອື່ນໆ ອີກບາງ ຈຳນວນບັນຫາເຫລົ່ານີ້ ເຮັດໃຫ້ລະບົບການຄ້າໃນທ້ອງຕະຫລາດມີຄວາມສັບສົນຫຍຸ້ງຍາກໃນ ການຕິດຕາມລາຄາໃຫ້ມີຄວາມເປັນເອກະພາບກັນໃນທ້ອງຕະຫລາດ ແລະ ບາງສິນຄ້າຍັງບໍ່ ຖືກຕ້ອງຕາມລາຄາສິນຄ້າທີ່ກົມການຄ້າພາຍໃນໄດ້ແຈ້ງໃຫ້ຮູ້ ແຕ່ເປັນທີ່ຫນ້າຍົກຍ້ອງບາງຕະ ຫລາດ ແມ່ນມີການປະກາດລາຄາສິນຄ້າໃສ່ກະດານຢູ່ຫ້ອງການ ຄຸ້ມຄອງຈັດສັນຕະຫລາດນີ້ ຈິ່ງເປັນເງື່ອນໄຂສະດວກ ເຮັດໃຫ້ຊາວຄ້າຂາຍມີຄວາມເປັນເອກະພາບກັນ ນອກນັ້ນ ຍັງເຮັດ ໃຫ້ລູກຄ້າຮູ້ໄດ້ລາຄາສີນຄ້າຂຶ້ນລົງຢ່າງເປັນປົກກະຕິໃນແຕ່ລະວັນ.

Saturday, March 1, 2008

ສາຍການບິນວຽງຈັນ-ກົວລາລຳເປີ ເປີດຕົວເປັນທາງການ


ໃນວັນທີ 21 ກຸມພາ 2008 ທາງກອງເລຂາອາຊຽນ ໄດ້ຈັດພິທີເປີດຕົວສາຍການບິນກົວ ລາລຳເປີວຽງຈັນຢ່າງເປັນທາງການທີ່ໂຮງແຮມແມ່ຂອງເດັກຄ໌ (Mekong Deck) ໂດຍການ ເປັນກຽດເຂົ້າຮ່ວມຂອງທ່ານ ສົມມາດ ພົນເສນາ, ລັດຖະມົນຕີວ່າການກະຊວງ ໂຍທາທິການ ແລະຂົນສົ່ງ, ທ່ານ ດຣ. ສຸລິນ ພິດສຸວັນ, ຫົວຫນ້າກອງເລຂາອາຊຽນ ແລະ ຕາງຫນ້າຂອງ ສາຍການບິນແອເອເຊຍ ແລະ ພາກສ່ວນທີ່່ກ່ຽວຂ້ອງເຂົ້າຮ່ວມພິທີ.
ແອເອເຊຍ ໄດ້ຮັບໃຊ້ມວນຊົນ ໃນທົ່ວທະວີບຫລາຍກວ່າ 46 ລ້ານຄົນ ນັບແຕ່ປີ 2001 ແລະໄດ້ຕັ້ງເປົ້າຫມາຍທີ່ຈະໃຫ້ການບໍລິການແກ່ຜູ້ໂດຍສານຫລາຍກວ່າ 23 ລ້ານໃນປີ 2008 ນີ້. ສາຍການບິນທີ່ຍິ່ງໃຫຍ່ ແລະ ເປັນຫນຶ່ງໃນສາຍການບິນຊັ້ນນຳຂອງສາຍການບິນ ລາຄາ ຍ່ອມເຍົາໃນອາຊີ.
ຕາມຕົວເລກຜູ້ໂດຍສານຢູ່ລາວ ທີ່ໄດ້ໃຊ້ບໍລິການສາຍການບິນແອເອເຊຍ ຕັ້ງແຕ່ວັນທີ 1 ທັນວາ ປີ 2007 ມານັ້ນ ໄດ້ມີຜູ້ໂດຍສານມາໃຊ້ບໍລິການຫລາຍເຖິງ 4.000 ກວ່າຄົນ ແລະ ຖືວ່າບັນລຸໄດ້ຕາມຄາດຫມາຍ ແລະ ຄາດວ່າຈະມີທ່າອຽງເພີ່ມຂຶ້ນຢ່າງແນ່ນອນ.
ທ່ານ ດຣ. ສຸລິນ ພິດສຸວັນ ໄດ້ກ່າວວ່າ: "ເສັ້ນທາງການເດີນທາງນີ້ ແມ່ນການຂະຫຍາຍ ຕົວຂອງການເຊື່ອມຕໍ່ ລະຫວ່າງປະເທດໃນອາຊຽນ ແລະ ໃຫ້ມວນຊົນສາມາດເດີນທາງທ່ອງ ທ່ຽວ ເພື່ອເກັບປະສົມການຕ່າງໆໃນທົ່ວທະວີບດ້ວຍຄວາມສະດວກສະບາຍ ແລະ ຂໍໃຫ້ການ ເປີດຕົວ ເປັນທາງການຂອງສາຍການບິນແອເອເຊຍ-ວຽງຈັນ ກົວລາລຳເປີ ນີ້ ບັນລຸໄດ້ຕາມ ຄາດຫມາຍທີ່ຕັ້ງໄວ້"